મહાકુંભના ત્રિવેણી સંગમમાં NCPના દિગ્ગજ નેતા મહેશ કોઠેનું નિધન, સ્નાન કરતી વખતે આવ્યો હાર્ટ એટેક

Mahesh Kothe: મંગળવારે પ્રયાગરાજમાં ત્રિવેણી સંગમમાં NCP (શરદ જૂથ)ના નેતા મહેશ કોઠે સ્નાન કરી રહ્યા હતા. આ દરમિયાન તેમને હાર્ટ એટેકના કારણે નિધન થયું છે. 60 વર્ષીય મહેશ કોઠે મહારાષ્ટ્રના સોલાપુર મ્યુનિસિપલ કોર્પોરેશનના મેયર રહી ચૂક્યા છે. બુધવારે તેમના પાર્થિવ શરીરને અંતિમ સંસ્કાર માટે સોલાપુર લઈ જવામાં આવશે. આ ઘટના સવારે લગભગ 7:30 વાગ્યે બની હોવાનું જણાવવામાં આવી રહ્યું છે. મહેશ કોઠે તેના મિત્રો સાથે ત્રિવેણી સંગમમાં સ્નાન કરી રહ્યા હતા. નદીના પાણીમાં હતા ત્યારે તેમને હાર્ટ એટેક આવ્યો. આ પછી તેમને હોસ્પિટલ લઈ જવામાં આવ્યા, જ્યાં ડોક્ટરે તેમને મૃત જાહેર કર્યા.

તમને જણાવી દઈએ કે મહેશ કોઠેએ ગયા વર્ષે યોજાયેલી વિધાનસભા ચૂંટણીમાં સોલાપુરથી ભાજપના વિજય દેશમુખ સામે વિધાનસભા ચૂંટણી લડી હતી. જોકે, આ ચૂંટણીમાં તેમને હારનો સામનો કરવો પડ્યો હતો. તેમના પરિવારમાં તેમની પત્ની અને એક પુત્ર છે. એનસીપીના વડા શરદ પવારે તેમના નિધન પર શોક વ્યક્ત કર્યો છે.

सोलापूरचे सर्वात तरुण माजी महापौर व माझे जुने सहकारी महेश कोठे यांचे प्रयागराज येथे दुःखद निधन झाले. सोलापूर शहराच्या समाजकारणात व राजकारणात महेश कोठे यांचे मोठे प्राबल्य होते. त्यांच्या रूपाने सोलापूर शहराने एक धडाडीचा कार्यकर्ता गमावला आहे. कोठे कुटुंबियांच्या दुःखात आम्ही… pic.twitter.com/aeI52IQcHS

— Sharad Pawar (@PawarSpeaks) January 14, 2025

સોલાપુરે એક સમર્પિત કાર્યકર ગુમાવ્યો
સોશિયલ મીડિયા પ્લેટફોર્મ X પર એક પોસ્ટમાં તેમણે કહ્યું, મારા જૂના સાથી મહેશ કોઠેનું પ્રયાગરાજમાં અવસાન થયું. સોલાપુરના સામાજિક અને રાજકીય દ્રશ્ય પર તેમનો મોટો પ્રભાવ હતો. તેમના અવસાનથી, સોલાપુરે એક સમર્પિત કાર્યકર ગુમાવ્યો છે. આ દુઃખની ઘડીમાં આપણે બધા તેમના પરિવાર સાથે ઉભા છીએ.

આ પણ વાંચો: શેખ હસીનાની ભત્રીજીએ બ્રિટનના નાણામંત્રી પદથી આપ્યું રાજીનામું, જાણો શું છે કારણ