Rajasthan: ફોન ટેપિંગ કેસમાં પૂર્વ OSD લોકેશ શર્માની ધરપકડ, કોર્ટમાંથી આગોતરા જામીન મંજૂર
OSD Lokesh Sharma Arrested: રાજસ્થાન ફોન ટેપિંગ કેસમાં દિલ્હી પોલીસની ક્રાઈમ બ્રાન્ચે મુખ્યમંત્રી અશોક ગેહલોતના પૂર્વ OSD લોકેશ શર્માની ધરપકડ કરી છે. ભાજપના નેતા ગજેન્દ્ર સિંહ શેખાવતની ફરિયાદ પર ફોન ટેપિંગનો કેસ નોંધવામાં આવ્યો હતો. લોકેશ શર્મા પર મીડિયામાં ફોન ટેપિંગની સીડી વહેંચવાનો આરોપ છે. હાઈકોર્ટે તેમની ધરપકડ પરનો પ્રતિબંધ ઉઠાવી લીધા બાદ તેમને પૂછપરછ માટે બોલાવવામાં આવ્યા હતા. ધરપકડ બાદ તેને પોલીસ સ્ટેશનમાંથી જ જામીન મળી ગયા હતા. થોડા કલાકો બાદ કોર્ટે લોકેશ શર્માને આગોતરા જામીન આપ્યા હતા. હાલ મામલાની તપાસ ચાલુ છે.
#BreakingNews
राजस्थान के पूर्व मुख्यमंत्री अशोक गहलोत के OSD रहे लोकेश शर्मा फोन टैपिंग मामले में गिरफ्तार!
दिल्ली की क्राईम ब्रांच ने किया गिरफ्तार!! pic.twitter.com/VEcUy6qxWa— Muthresh Chechi (@MuthreshChechi) November 25, 2024
શું છે સમગ્ર મામલો
આ મામલો જુલાઈ 2020નો છે, સચિન પાયલટ કેમ્પના બળવા દરમિયાન. માર્ચ 2021માં ગજેન્દ્ર સિંહ શેખાવતે દિલ્હી ક્રાઈમ બ્રાન્ચમાં FIR (નંબર 50/2021) નોંધાવી હતી. ભાજપે ગેહલોત સરકાર પર ફોન ટેપિંગનો આરોપ લગાવ્યો હતો. તેઓએ આરોપ લગાવ્યો હતો કે ભારતીય ટેલિગ્રાફ એક્ટ, આઈટી એક્ટ અને આઈપીસીની કલમોનું ઉલ્લંઘન કરીને તેમના ફોન ગેરકાયદેસર રીતે ટેપ કરવામાં આવ્યા હતા.
આ મામલે રાજસ્થાન અને દિલ્હી પોલીસના અધિકારક્ષેત્રને લઈને લાંબા સમયથી વિવાદ ચાલી રહ્યો હતો. રાજસ્થાન સરકારે શરૂઆતમાં દિલ્હી પોલીસના તપાસ અધિકારો પર સવાલો ઉઠાવ્યા હતા, પરંતુ 27 સપ્ટેમ્બર 2024ના રોજ દિલ્હી હાઈકોર્ટમાં રાજસ્થાન સરકારે પોતાનું સ્ટેન્ડ બદલ્યું હતું અને દિલ્હી પોલીસની તપાસને સમર્થન આપવાની જાહેરાત કરી હતી. આ પછી લોકેશ શર્માએ એફઆઈઆર રદ્દ કરવાની પોતાની અરજી પાછી ખેંચી લીધી હતી.
