અહો આશ્ચર્યમ્…! ઈતિહાસમાં પહેલીવાર સાઉદી અરેબિયાના રણમાં ભારે હિમવર્ષા…!
Saudi Arabia Snowfall: સાઉદી અરેબિયાના ઈતિહાસમાં પહેલીવાર કેટલાક ભાગોમાં ભારે વરસાદ અને હિમવર્ષા થઇ છે. દેશના અલ-જૌફ રણમાં ભારે હિમવર્ષા થઈ છે. જે દેશમાં શિયાળાની અજાયબીનું નિર્માણ કરે છે, જે સામાન્ય રીતે તેના શુષ્ક આબોહવા માટે જાણીતું છે. આ વિસ્તારમાં ભારે વરસાદ અને કરા પડ્યા બાદ આ હિમવર્ષા થઈ છે. આ સમગ્ર વિસ્તારના હવામાનમાં આ મોટો ફેરફાર માનવામાં આવી રહ્યો છે.
Northern Saudi Arabia: Snow blankets the desert after heavy rains and hail. Just yesterday, winter transformed the mountainous landscape.🇸🇦
🤡Yes, this is normal. Saudi Arabia and the UAE have well-known weather modification programs. pic.twitter.com/ZoFQ3Gav92
— Global Dissident (@GlobalDiss) November 3, 2024
સાઉદી અરેબિયામાં અલ-જૌફનું રણ અદભૂત વિન્ટર વન્ડરલેન્ડમાં ફેરવાઈ ગયું છે. સાઉદી પ્રેસ એજન્સીના જણાવ્યા અનુસાર, અલ-જૌફમાં હિમવર્ષાના ઠંડા મોજાએ શુષ્ક લેન્ડસ્કેપની પહેલા ક્યારેય ન જોઈ હોય તેવી ઝલક પૂરી પાડી છે. સાઉદીમાં બનેલી આ ઘટના હવામાન નિષ્ણાતોને ચોંકાવી રહી છે. સાઉદી અરેબિયા છેલ્લા અઠવાડિયાથી અસામાન્ય હવામાનનો સામનો કરી રહ્યું છે.
ગયા અઠવાડિયે વરસાદ શરૂ થયો હતો
અલ-જૌફના કેટલાક ભાગોમાં ગયા બુધવારે ભારે વરસાદ અને કરા પડ્યા હતા. આ પછી ઉત્તરીય બોર્ડર, રિયાધ અને મક્કા વિસ્તારમાં પણ વરસાદ પડ્યો હતો. તાબુક અને અલ બહાહ વિસ્તારો પણ હવામાનમાં આવેલા આ ફેરફારથી પ્રભાવિત થયા હતા. આ પછી સોમવારે અલ-જુફના પહાડી વિસ્તારોમાં હિમવર્ષા થઈ હતી. અહીં પડતી બરફની તસવીરોએ સોશિયલ મીડિયા પર લોકોનું ધ્યાન ખેંચ્યું છે.
Rare snowstorm in Saudi Arabia
The unexpected snowfall created a stunning effect, a stark contrast to the usual arid landscape pic.twitter.com/b5AVUL7rdc— The Sanghi (@karma2moksha) November 5, 2024
યુએઈના નેશનલ સેન્ટર ઓફ મીટીરોલોજી (એનસીએમ)ના જણાવ્યા અનુસાર, અરબી સમુદ્રથી ઓમાન સુધી વિસ્તરેલી નીચા દબાણની સિસ્ટમને કારણે અસામાન્ય કરા પડ્યા હતા. આનાથી પ્રદેશમાં ભેજથી ભરેલી હવા આવી, જે સામાન્ય રીતે સૂકી હોય છે. આ કારણે સાઉદી અરેબિયા અને સંયુક્ત આરબ અમીરાત (UAE)માં ગાજવીજ, કરા અને વરસાદ છે. જે આગામી દિવસોમાં પણ ચાલુ રહી શકે છે.
⚡️⚠️𝐄𝐍𝐃 𝐓𝐈𝐌𝐄 𝐒𝐂𝐄𝐍𝐀𝐑𝐈𝐎 – 𝐒𝐚𝐮𝐝𝐢 𝐀𝐫𝐚𝐛𝐢𝐚: 𝐀𝐟𝐭𝐞𝐫 𝐦𝐨𝐧𝐭𝐡𝐬 𝐨𝐟 𝐮𝐧𝐮𝐬𝐮𝐚𝐥 𝐬𝐭𝐫𝐨𝐧𝐠 𝐫𝐚𝐢𝐧𝐟𝐚𝐥𝐥 𝐚𝐧𝐝 𝐟𝐥𝐨𝐨𝐝𝐢𝐧𝐠 𝐢𝐧 𝐝𝐞𝐬𝐞𝐫𝐭 𝐫𝐞𝐠𝐢𝐨𝐧𝐬 𝐚𝐜𝐫𝐨𝐬𝐬 𝐭𝐡𝐞 𝐜𝐨𝐮𝐧𝐭𝐫𝐲, 𝐞𝐱𝐭𝐫𝐚𝐨𝐫𝐝𝐢𝐧𝐚𝐫𝐲 𝐬𝐧𝐨𝐰𝐟𝐚𝐥𝐥… pic.twitter.com/aCqLCvi6tN
— Dan-i-El (@Danielibertari0) November 3, 2024
રણમાં હિમવર્ષા?
સાઉદી અરેબિયામાં હિમવર્ષા દુર્લભ છે પરંતુ દેશનું વાતાવરણ વર્ષોથી બદલાઈ રહ્યું છે. થોડા વર્ષો પહેલા, સળગતા સહારાના રણમાં તાપમાનમાં નાટ્યાત્મક ઘટાડો થયો હતો અને તે -2 ડિગ્રી સેલ્સિયસ સુધી પહોંચી ગયો હતો. આ માટે ક્લાઈમેટ ચેન્જની વ્યાપક અસરોને જવાબદાર ગણવામાં આવે છે. પશ્ચિમ એશિયા એ આબોહવા-સંબંધિત અસરો માટે સૌથી સંવેદનશીલ પ્રદેશોમાંનો એક છે.
બીજી બાજુ, નિષ્ણાંતોનું કહેવું છે કે બદલાતા વાતાવરણના કારણે રણમાં હિમવર્ષા જેવી અસામાન્ય ઘટનાઓ પણ બની રહી છે. આ વર્ષની શરૂઆતમાં, સાઉદી અરેબિયાની રાજધાની રિયાધમાં ભારે વરસાદના અભૂતપૂર્વ સમયગાળા પછી ગંભીર પૂરનો સામનો કરવો પડ્યો હતો. દુબઈએ પણ આવા જ પૂરનો સામનો કર્યો હતો, જે પ્રદેશ માટે નવો અનુભવ હતો.
