ભારતમાં ઓલિમ્પિક ગેમ્સના આયોજનની તૈયારીઓ?, ભારતે નોંધાવી દાવેદારી…!
Olympics 2036: ફ્રાન્સની રાજધાની પેરિસમાં આ વર્ષે ઓલિમ્પિક ગેમ્સનું આયોજન કરવામાં આવ્યું હતું. જેમાં અનેક દેશોના ખેલાડીઓએ ભાગ લીધો હતો, આગામી ઓલિમ્પિક ગેમ્સ વર્ષ 2028માં લોસ એન્જલસમાં યોજાશે જ્યારે 2032માં ઓસ્ટ્રેલિયાના બ્રિસ્બેન શહેરમાં યોજાશે. ઇન્ટરનેશનલ ઓલિમ્પિક કાઉન્સિલ (IOC) એ હજુ નક્કી કર્યું નથી કે કયું શહેર વર્ષ 2036માં યોજાનારી ઓલિમ્પિક ગેમ્સનું આયોજન કરશે, પરંતુ આ દરમિયાન ભારતીય ઓલિમ્પિક એસોસિએશન (IOA) એ વર્ષ 2036માં ઓલિમ્પિક ગેમ્સની યજમાની કરવા અંગે IOCને પત્ર લખ્યો છે.
Indian Olympic Association has formally sent Letter of Intent to Future Host Commission, International Olympic Committee on 1st October 2024 expressing India's interest in hosting the Olympics and Paralympics Games in 2036: Ministry of Youth Affairs & Sports Sources
— ANI (@ANI) November 5, 2024
IOA એ ઓલિમ્પિક ગેમ્સનું આયોજન કરવાની ઈચ્છા વ્યક્ત કરી હતી
એએનઆઈના અહેવાલ મુજબ, ભારતીય ઓલિમ્પિક સંઘે ઈન્ટરનેશનલ ઓલિમ્પિક સંઘને લખેલા લેટર ઓફ ઇંટેન્ટમાં ભારતમાં ઓલિમ્પિક ગેમ્સ 2036નું આયોજન કરવાની ઈચ્છા વ્યક્ત કરી છે. જો IOC તેમને હોસ્ટિંગ અધિકારો આપે છે, તો તે પ્રથમ વખત બનશે કે ભારત આ ગેમ્સના મહાકુંભનું આયોજન કરશે. બીજી બાજુ, PM નરેન્દ્ર મોદીએ પણ તેમના ભાષણમાં ઘણી વખત ઉલ્લેખ કર્યો છે કે ભારત ઓલિમ્પિક 2036ની યજમાની કરવા માંગે છે. પીએમ મોદીએ આ વર્ષે સ્વતંત્રતા દિવસના સંબોધનમાં કહ્યું હતું કે આ દેશનું મુખ્ય લક્ષ્ય છે. તેમણે એ વાતની પણ પુષ્ટિ કરી કે આ માટેની તૈયારીઓ ચાલી રહી છે. અમે પેરિસ ઓલિમ્પિકમાં ભારતીય ધ્વજને ગૌરવ અપાવનાર અમારા એથ્લેટ્સની સિદ્ધિઓથી પ્રેરિત છીએ. પેરાલિમ્પિક્સમાં ભાગ લેવા માટે એક મોટી ટુકડી ટૂંક સમયમાં પેરિસ જવા રવાના થશે અને હું તેમને શુભેચ્છા પાઠવું છું. 2036માં ઓલિમ્પિકનું આયોજન કરવું એ એક સ્વપ્ન છે જેના માટે અમે સક્રિયપણે કામ કરી રહ્યા છીએ.
IOAમાં હાલ તોફાની વાતાવરણ ચાલી રહ્યું છે.
હાલમાં, IOAમાં ખૂબ જ અશાંત વાતાવરણ છે, જેમાં પ્રમુખ પીટી ઉષા અને એક્ઝિક્યુટિવ બોર્ડ વચ્ચે બધું બરાબર નથી ચાલી રહ્યું. આવી સ્થિતિમાં ભારતીય ઓલિમ્પિક સંઘ માટે યજમાન અધિકાર મેળવવો આસાન નથી. આ વખતે પેરિસ ઓલિમ્પિકમાં ભારતીય ખેલાડીઓએ એક સિલ્વર સહિત 6 મેડલ જીત્યા હતા.
