બહરાઇચ હિંસા: બે આરોપીનું એન્કાઉન્ટર, નેપાળ ભાગવાની ફિરાકમાં હતા

Bahraich violence: ઉત્તર પ્રદેશના બહરાઈચમાં દુર્ગા પૂજાની મૂર્તિ વિસર્જન દરમિયાન પથ્થરમારો અને હિંસા થઈ હતી. આ હિંસામાં રામ ગોપાલ મિશ્રા નામના યુવકની પણ હત્યા કરવામાં આવી હતી. હવે આ ઘટનામાં સામેલ 2 આરોપીઓનું એન્કાઉન્ટર થયું છે. હાલ બંને આરોપીઓ ઘાયલ હોવાનું કહેવાય છે. નોંધનીય છે કે, બહરાઈચમાં રવિવારે દુર્ગા પૂજાના અવસર પર મૂર્તિ વિસર્જન યાત્રા દરમિયાન સાંપ્રદાયિક હિંસા ફાટી નીકળતાં 22 વર્ષીય યુવક રામ ગોપાલ મિશ્રાની ગોળી મારીને હત્યા કરવામાં આવી હતી અને પથ્થરમારો અને ગોળીબારમાં લગભગ છ લોકો ઘાયલ થયા હતા.

Sheer failure of law and order in Bahraich, Uttar Pradesh. Irked with the killing of a youth in religious procession the mob has now turned violent. Shops and vehicles are being torched. Dist authorities could have asked for additional forces from nearby districts. But no pic.twitter.com/eT8Q6MH6jO

— Saurabh Sharma (TRAVEL. REPORT. REPEAT) (@saurabhsherry) October 13, 2024

બહરાઈચમાં હિંસા ફાટી નીકળી હતી
રામ ગોપાલ મિશ્રાની હત્યા બાદ બહરાઈચમાં હિંસા ફેલાઈ હતી. ટોળા દ્વારા મોટા પાયે તોડફોડ અને આગચંપી કરવામાં આવી હતી. ટોળાએ ઘરો, દુકાનો, શોરૂમ, હોસ્પિટલો, વાહનો વગેરેને આગ ચાંપી દીધી હતી જેના પગલે બહરાઇચ પોલીસે અનેક અજાણ્યા અને કેટલાક નામના વ્યક્તિઓ સામે અનેક FIR નોંધી હતી. પોલીસે આ વિસ્તારમાં દરોડા પાડીને અત્યાર સુધીમાં 55 શકમંદોની ધરપકડ કરી છે.

આરોપીઓ નેપાળ ભાગી જવાની યોજના બનાવી રહ્યા હતા
અત્યાર સુધી પ્રાપ્ત માહિતી અનુસાર, બહરાઇચમાં હિંસા અને રામ ગોપાલ મિશ્રાની હત્યાના આરોપીઓ નેપાળ ભાગી જવાનો પ્રયાસ કરી રહ્યા હતા. આ પહેલા બુધવારે યુપી પોલીસે આ કેસમાં અન્ય એક આરોપી દાનિશની પણ ધરપકડ કરી હતી. આ કેસમાં ચોથા નામના મોહમ્મદ દાનિશ ઉર્ફે રાજા ઉર્ફે સાહિરની બુધવારે સાંજે 4 વાગ્યે રાજી ચોક પરથી ધરપકડ કરવામાં આવી હતી. તે નેપાળ ભાગી જવાની પણ યોજના બનાવી રહ્યો હતો.

CM યોગીએ કાર્યવાહીનું આશ્વાસન આપ્યું હતું
પોસ્ટમોર્ટમ રિપોર્ટ અનુસાર, 22 વર્ષીય રામ ગોપાલ મિશ્રાનું મૃત્યુ આઘાત અને વધુ પડતા રક્તસ્ત્રાવને કારણે થયું હતું. મિશ્રાના શરીર પર 25 થી 30 છરા માર્યા હતા અને શરીર પર ઈજાના નિશાન હતા. યુપીના સીએમ યોગી આદિત્યનાથે મૃતક રામ ગોપાલ મિશ્રાના પરિવારજનો સાથે મુલાકાત કરી હતી. સીએમ યોગીએ પણ હત્યાના દોષિતો સામે કાર્યવાહી અને મૃતકના પરિવારને મદદ કરવાની ખાતરી આપી હતી.