શાળા સંચાલક મંડળની ફીના સ્લેબમાં 49 ટકા વધારો કરવાની માગણી
અમદાવાદઃ શાળાઓના ફી સ્લેબમાં વધારો કરવા શાળા સંચાલક મંડળે માગણી કરી છે. શાળા સંચાલક મંડળે શાળાના ફી સ્લેબમાં 49 ટકા વધારો કરવા માટે માગણી કરી છે.
પ્રાથમિક માટે 15000થી વધારીને 22,500 રૂપિયા, માધ્યમિક વિભાગ માટે 20,000થી વધારીને 30,000 અને સામાન્ય પ્રવાહ માટે 25,000થી વધારીને 37,500 રૂપિયા કરવા માટે માગણી કરવામાં આવી છે.
આ ઉપરાંત વિજ્ઞાન પ્રવાહ માટે 30,000થી વધારીને 45,000 રૂપિયા કરવા માટેની માગણી કરવામાં આવી છે. ઓછા સ્લેબના કારણે સામાન્ય ફી પસંદગીથી શાળાઓને નુકસાન થાય છે. સરકારની જ્ઞાન સાધના સ્કૂલમાં વાર્ષિક સાત ટકા વધારાનું પ્રાવધાન છે, ત્યારે શાળાઓમાં પણ વધારો કરવો જોઈએ.
