ખોટું બોલીને લગ્ન અને ફેક સર્ટિફિકેટ… પોર્નસ્ટાર બન્ના શેખ કેવી રીતે બની ‘રિયા’?

Maharashtra: બાંગ્લાદેશી પોર્ન સ્ટાર રિયા બર્ડે.. જેનું નામ આવતા જ તમને બન્ના શેખ યાદ આવશે. ખરેખર છેલ્લા બે દિવસથી રિયા બર્ડેની ચારેયકોર ચર્ચા થી છે. એડલ્ટ ફિલ્મ મેકર બન્ના શેખ ઉર્ફે રિયા બર્ડેની પોલીસે મહારાષ્ટ્રના થાણે મુંબઈથી ધરપકડ કરી હતી. બન્ના શેખની હિલ લાઈન પોલીસે ધરપકડ કરી છે. બન્ના શેખ પર બાંગ્લાદેશની રહેવાસી હોવાનો અને નકલી દસ્તાવેજો દ્વારા ભારતીય નાગરિકતા લેવાનો આરોપ છે. પોલીસ અલગ અલગ એંગલથી કેસની તપાસ કરી રહી છે. પોલીસે બન્ના શેખની ધરપકડ કરી ત્યારે અનેક સવાલો ઉભા થયા. આખરે બાંગ્લાદેશી બન્ના શેખ ભારતમાં રિયા બનીને કેવી રીતે રહેતી હતી? તેણે ભારતીય નાગરિક હોવાના દસ્તાવેજો ક્યાંથી અને કેવી રીતે મેળવ્યા? તો આની પાછળ એક નવો વળાંક આવ્યો.

બાંગ્લાદેશી હોવા છતાં રિયાની માતાએ ભારતીય કાગળો મેળવવા માટે અમરાવતીના એક વ્યક્તિ સાથે લગ્ન કર્યા હતા. હાલમાં પોલીસે આ કેસમાં રિયા સિવાય તેની માતા અંજલિ બર્ડે ઉર્ફે રૂબી શેખ, પિતા અરવિંદ બર્ડે, ભાઈ રવિન્દ્ર ઉર્ફે રિયાઝ શેખ અને બહેન રીતુ ઉર્ફે મોની શેખને પણ આરોપી બનાવ્યા છે. પોલીસે પ્રેસનોટ જારી કરીને જણાવ્યું હતું કે ધરપકડ કરાયેલી રિયા ઘણા પ્રોડક્શન હાઉસ સાથે સંકળાયેલી છે અને ઘણી એડલ્ટ ફિલ્મોમાં કામ કરી ચૂકી છે. આ સિવાય રિયા પોર્ન ઈન્ડસ્ટ્રીમાં આરોહીના નામથી પણ ઓળખાય છે.

માતા બાંગ્લાદેશની છે અને એક ભારતીય સાથે લગ્ન કર્યા છે
સમગ્ર મામલાની તપાસ કરનાર પોલીસ સબ-ઇન્સ્પેક્ટર સંગ્રામ મલકરે જણાવ્યું હતું કે તપાસમાં જાણવા મળ્યું છે કે માતા અંજલી બાંગ્લાદેશની રહેવાસી છે અને તે તેની બે પુત્રી રિયા અને પુત્ર સાથે ભારતમાં ગેરકાયદેસર રીતે રહેતી હતી. પશ્ચિમ બંગાળની હોવાનો દાવો કરીને રિયાની માતાએ અમરાવતીના રહેવાસી અરવિંદ બર્ડે સાથે લગ્ન કર્યા અને બાદમાં પોતાના અને તેના બાળકો માટે નકલી જન્મ પ્રમાણપત્ર અને અન્ય નકલી દસ્તાવેજો બનાવીને ભારતીય નાગરિકનો પાસપોર્ટ મેળવ્યો. જેથી તે પોતાની ભારતીય ઓળખ સાબિત કરી શકે.

આ પણ વાંચો: પાકિસ્તાન આતંકવાદની ફેક્ટરી… PM શાહબાઝનું ભાષણ એક મજાક, ભારતે આપી ચેતવણી

મિત્ર સાથે પૂછપરછ દરમિયાન આ વાત સામે આવી હતી
પોલીસને જાણવા મળ્યું કે રિયાના માતા અને પિતા બંને હાલમાં કતારમાં રહે છે. પોલીસે જણાવ્યું હતું કે રિયાને અગાઉ મુંબઈ પોલીસ દ્વારા પોર્ન સ્ટાર સંબંધિત કેસમાં અનમોરલ ટ્રાફિક (પ્રિવેન્શન) એક્ટ હેઠળ ધરપકડ કરવામાં આવી હતી. સમગ્ર મામલો ત્યારે પ્રકાશમાં આવ્યો જ્યારે રિયાના મિત્ર પ્રશાંત મિશ્રાને ખબર પડી કે તે મૂળ બાંગ્લાદેશની છે અને ગેરકાયદેસર રીતે દેશમાં રહે છે. તેણે આ અંગે પોલીસમાં ફરિયાદ કરી. જે બાદ પોલીસે તેના દસ્તાવેજોની તપાસ કરી અને સમગ્ર ઘટનાનો પર્દાફાશ કર્યો છે. જોકે, આ કેસમાં હજી પણ અનેક રહસ્યોનો ખુલાસો થઈ શકે છે.