ખેડૂતોની દિલ્હી કૂચ… વિવિધ માગણીઓને લઈને સંસદનો ઘેરાવો કરશે
Delhi: યુનાઈટેડ કિસાન મોરચાના બેનર હેઠળ ખેડૂતોએ તેમની માંગણીઓને લઈને આંદોલનને ઉગ્ર બનાવ્યું છે. આજે હજારો ખેડૂતો નોઈડાના મહામાયા ફ્લાયઓવરથી દિલ્હી જશે. આ આંદોલનનો મુખ્ય ઉદ્દેશ ગોરખપુરની માંગણીઓ જેમ કે ચાર ગણું વળતર, જમીન સંપાદન કાયદાના લાભો અને 10% વિકસિત પ્લોટનો અમલ કરવાનો છે. ખેડૂતો ચાર દિવસથી યમુના ઓથોરિટી ઓફિસની સામે હડતાળ પર બેઠા હતા. પરંતુ તેમની માંગણીઓની અવગણના કરવામાં આવી હતી. હવે ખેડૂતો દિલ્હીમાં સંસદનો ઘેરાવ કરવાની તૈયારી કરી રહ્યા છે.
ખેડૂતોનો આરોપ છે કે ગૌતમ બુદ્ધ નગરના ખેડૂતોને ગોરખપુર હાઈવે પ્રોજેક્ટની જેમ ચાર ગણું વળતર આપવામાં આવ્યું નથી. આ સિવાય છેલ્લા 10 વર્ષથી સર્કલ રેટમાં કોઈ વધારો થયો નથી. નવા જમીન સંપાદન કાયદાના લાભો અને હાઈપાવર કમિટીની ભલામણોનો અમલ કરવામાં આવે તેવી માંગ ખેડૂત આગેવાનો કરી રહ્યા છે. જો કે, રવિવારે પોલીસ અને ઓથોરિટી અધિકારીઓ સાથે યોજાયેલી બેઠકમાં તેમની માંગણીઓ ફગાવી દેવામાં આવી હતી.
નોઈડા પોલીસે ખેડૂતોની કૂચને ધ્યાનમાં રાખીને વિશેષ રૂટ ડાયવર્ઝન પ્લાન લાગુ કર્યો છે. યમુના એક્સપ્રેસ વે અને નોઈડા-ગ્રેટર નોઈડા એક્સપ્રેસ વે પર ભારે વાહનોની અવરજવર પર પ્રતિબંધ મૂકવામાં આવ્યો છે. સિરસાથી સૂરજપુર વાયા પરી ચોક સુધીના રસ્તાઓ પર પણ વાહનવ્યવહાર બંધ રહેશે. લોકોને અન્ય માર્ગોનો ઉપયોગ કરવાની સલાહ આપવામાં આવી છે. ખેડૂતોના વિરોધને કારણે દિલ્હી અને NCRમાં ટ્રાફિક પ્રભાવિત થવાની સંભાવના છે.
આ પણ વાંચો: એકબાજુ વિક્રાંતની નિવૃતિની જાહેરાત… તો બીજી તરફ PM મોદી જોશે તેની ફિલ્મ ‘The sabarmati report’
સંયુક્ત કિસાન મોરચાના નેતાઓએ કહ્યું કે તેમની મુખ્ય માંગણીઓ જમીન સંપાદન સંબંધિત વાજબી વળતરની રકમ, પાકના લઘુત્તમ ટેકાના ભાવ (એમએસપી)ની ગેરંટી અને ખેડૂતોની બાકી સમસ્યાઓનું સમાધાન છે. યમુના ઓથોરિટી પર આરોપ લગાવતા ખેડૂતોએ કહ્યું કે તેમની સમસ્યાઓની સતત અવગણના કરવામાં આવી રહી છે. ખેડૂતોનું આ આંદોલન દિલ્હીમાં મોટું પ્રદર્શન બની શકે છે.
