ગાઝામાં ઈઝરાયલના સૈન્ય હુમલામાં 25 પેલેસ્ટાઈનના મોત, 25 વર્ષ બાદ શરૂ થયું રસીકરણ

Palestine Israel War: પેલેસ્ટાઈન અને ઈઝરાયલ વચ્ચે છેલ્લા 11 મહિનાથી યુદ્ધ ચાલી રહ્યું છે. આ યુદ્ધમાં હજારો નિર્દોષ લોકોએ જીવ ગુમાવ્યા છે. યુદ્ધથી ગાઝાને સૌથી વધુ નુકસાન થયું છે. ત્યાં હુમલામાં નિર્દોષ બાળકોના મોત થઈ રહ્યા છે. આ યુદ્ધને રોકવાના અત્યાર સુધીના તમામ પ્રયાસો નિષ્ફળ ગયા છે. શુક્રવારે ગાઝા પટ્ટીમાં ઇઝરાયલી સૈન્ય હુમલા કરવામાં આવ્યા હતા, જેમાં ઓછામાં ઓછા 27 પેલેસ્ટિનિયન માર્યા ગયા હતા.

ગાઝામાં પોલિયો સામે બાળકોને રસીકરણ એન્ક્લેવમાં ફરી શરૂ કરવામાં આવ્યું છે. નુસિરતમાં આ વિસ્તારના 8 શરણાર્થી શિબિરોમાંથી એક, ઇઝરાયેલી હવાઈ હુમલામાં 2 મહિલાઓ અને 2 બાળકો માર્યા ગયા. જ્યારે ગાઝા શહેરમાં 2 અન્ય હવાઈ હુમલામાં 8 લોકો માર્યા ગયા, કેમ્પના ચિકિત્સકોએ જણાવ્યું હતું.

યુદ્ધવિરામની કોઈ વાત નથી
ઈઝરાયલની સેનાએ ગાઝા શહેરના ઝિટૂનમાં અનેક ઘરોને ઉડાવી દીધા હતા. ગુરુવારે, યુએસ સ્ટેટ સેક્રેટરી એન્ટની બ્લિંકને કહ્યું કે ગાઝા યુદ્ધવિરામ કરાર સુધી પહોંચવા માટે ઈઝરાયલ અને હમાસ બંને માટે બાકીના મુદ્દાઓ પર હા કહેવી જરૂરી છે. બ્લિંકને કહ્યું કે ગાઝા યુદ્ધવિરામ કરારમાં લગભગ 90% કરાર છે, પરંતુ કેટલાક મુદ્દાઓ હજુ પણ બાકી છે. ઈઝરાયલે કહ્યું છે કે તે તેની જગ્યા છોડશે નહીં, જ્યારે હમાસનું કહેવું છે કે જ્યાં સુધી આવું નહીં થાય ત્યાં સુધી કોઈ સમજૂતી નહીં થાય.

Since 1 September @UNRWA & partners have vaccinated nearly 355,000 children against #polio in #Gaza middle & southern areas

In the next few days, we'll continue rolling out the polio vaccination campaign aiming to reach around 640,000 children under 10 with this critical vaccine pic.twitter.com/wrPmLWCm8z

— UNRWA (@UNRWA) September 6, 2024

ઉત્તર ગાઝામાં પોલિયો અભિયાન
આ બધા વચ્ચે ખાન યુનિસના રહેવાસીઓ અને રફાહના વિસ્થાપિત પરિવારો તેમના બાળકોને પોલિયોની રસી પીવડાવવા માટે કેમ્પમાં પહોંચ્યા. એક વર્ષના બાળકને લકવાગ્રસ્ત થવાનો કિસ્સો સામે આવ્યા બાદ આ અભિયાન શરૂ કરવામાં આવ્યું હતું. વિશ્વના સૌથી ગીચ વસ્તીવાળા સ્થળોમાંના એક ગાઝામાં 25 વર્ષમાં આ રોગનો પ્રથમ કેસ હતો. ગાઝાની હોસ્પિટલોની હાલત અત્યારે સારી ન હોવાને કારણે આ ફરી ઉભરી આવ્યું છે. ઈઝરાયલના હુમલાથી આ તબાહી થઈ ગઈ છે, જેના કારણે ત્યાંના રહેવાસીઓમાં ઘણી નવી બીમારીઓ જોવા મળી રહી છે.

આ પણ વાંચો: ચીનની જે લેબમાંથી નીકળ્યો હતો કોરોના… ત્યાંથી જ લીક થયો વધુ એક જીવલેણ વાયરસ!

પેલેસ્ટિનિયન શરણાર્થીઓ માટે સંયુક્ત રાષ્ટ્રની એજન્સી UNRWA એ જણાવ્યું હતું કે ગુરુવારે ગાઝાના દક્ષિણ પડોશમાં ઓછામાં ઓછા 160,000 બાળકોને પોલિયોના ટીપાં પીવડાવવામાં આવ્યા હતા. આ અભિયાનનો બીજો તબક્કો હતો. “1 સપ્ટેમ્બરથી, UNRWA અને ભાગીદારોએ ગાઝાના મધ્ય અને દક્ષિણ વિસ્તારોમાં આશરે 3,55,000 બાળકોને પોલિયોના ટીપાં પીવડાવ્યાં છે,” UNRWA એ ટ્વિટર પર એક પોસ્ટમાં લખ્યું છે. આગામી થોડા દિવસોમાં અમે 10 વર્ષથી ઓછી ઉંમરના આશરે 6,40,000 બાળકો સુધી પહોંચવાના લક્ષ્ય સાથે પોલિયો રસીકરણ અભિયાન ચલાવવાનું ચાલુ રાખીશું.