10 વર્ષમાં 25 કરોડ લોકો ગરીબી રેખા નીચેથી બહાર આવ્યા, CIIમાં બોલ્યા પીએમ મોદી

Delhi: વડાપ્રધાન નરેન્દ્ર મોદીએ આજે વિજ્ઞાન ભવન ખાતે ‘જર્ની ટુવર્ડસ વિકસિત ભારત: પોસ્ટ યુનિયન બજેટ 2024-25 કોન્ફરન્સ’ના ઉદ્ઘાટન પ્રસંગે સંબોધન કર્યું. આ કાર્યક્રમ કોન્ફેડરેશનઓફ ઇન્ડિયન ઇન્ડસ્ટ્રી (CII) દ્વારા આયોજન કરવામાં આવ્યું છે. આ દરમિયાન પીએમ મોદીએ સંબોધન કરતાં કહ્યું, ‘મારો દેશ ક્યારેય પાછળ ન હટી શકે. હું CIIનું આભાર માંનું છું. મને યાદ છે કોરોનાકાળ દરમિયાન તમને ખૂબ જ ચિંતા હતી. દરેક ચર્ચાનો એક જ વિષય હતો કે ગ્રોથ રેટ કઈ રીતે પાછો આવશે? ભારત બહુ જલ્દી વિકાસના પંથે દોડશે. ભારત આજે કેટલી ઊંચાઈએ છે? આજે ભારત 8 ટકાના દરે વિકાસ કરી રહ્યું છે. આજે આપણે બધા ચર્ચા કરી રહ્યા છીએ, જર્ની ટુવર્ડ ડેવલપ્ડ ઇન્ડિયા. આ પરિવર્તન માત્ર ભાવનાનો નથી, આત્મવિશ્વાસનો બદલાવ છે.

મજબૂત પગલાં લઈને ભારત સતત આગળ વધી રહ્યો
પીએમ મોદીએ કહ્યું કે આજે ભારત વિશ્વની પાંચમી સૌથી મોટી આર્થિક શક્તિ છે. અને તે દિવસ દૂર નથી જ્યારે ભારત વિશ્વની ત્રીજી સૌથી મોટી આર્થિક વ્યવસ્થા બની જશે. પીએમે કહ્યું, “હું જે સમુદાય માંથી આવું છું તેની ઓળખ બની ગઈ છે કે ચૂંટણી પહેલા કરેલી વાતો ચૂંટણી પછી ભૂલી જવામાં આવે છે. હું એવો નથી. એટલા માટે હું તમને યાદ કરાવું છું કે મેં કહ્યું હતું મારો ત્રીજો કાર્યકાળ દેશ ત્રીજા નંબરની અર્થવ્યવસ્થા બની જશે.

ભારત ખૂબ જ સાવચેતીભર્યા પગલાં સાથે સતત આગળ વધી રહ્યું છે. 2014માં જ્યારે તમે અમને સેવા કરવાની તક આપી ત્યારે સૌથી મોટો પ્રશ્ન એ હતો કે અર્થવ્યવસ્થાને પાટા પર કેવી રીતે લાવવી. 2014 પહેલા પણ અહીંના દરેકને ફ્રેજીલ ફાઈવની સ્થિતિ અને લાખો કરોડના કૌભાંડ વિશે ખબર હતી. સરકારે અર્થતંત્રની સ્થિતિની વિગતો આપતું શ્વેતપત્ર બહાર પાડ્યું છે. હું તેની વિગતોમાં જઈશ નહીં.” પીએમ મોદીએ કહ્યું કે તમારા જેવુ સંગઠન તેના પર જરૂરિયાત મુજબ સ્ટડી કરીને તેના પર ચર્ચા કરે કે અમે કયા ઊભા હતા અને કેવી બિમારીઓનો શિકાર બન્યા.

આપણે ભારતને મહાન સંકટમાંથી બચાવી ઉંચાઈ પર લાવ્યા
પીએમએ દાવો કર્યો કે આપણે ભારતને તે મહાન સંકટમાંથી બહાર કાઢીને આ ઉંચાઈ પર લાવ્યા છીએ. બજેટ 16 લાખથી 48 લાખ કરોડ રૂપિયા સુધી પહોંચી ગયું છે. કેપેક્સ, જેને રિસોર્સ ઇન્વેસ્ટમેન્ટ કહેવામાં આવે છે, યુપીએ સરકારના પ્રથમ બજેટમાં કેપેક્સ માટે 90 હજાર કરોડ રૂપિયા હતા, આ વર્ષે સરકાર ચલાવ્યા પછી, 2014 માં આ બજેટ 2 લાખ કરોડ રૂપિયા હતું. આજે મૂડીરોકાણ રૂ. 11 લાખ કરોડથી વધુ છે. અમારી સરકારમાં કેપેક્સ 5 ગણા દરે વધ્યો છે. તે માત્ર બજેટ વધારવાની વાત નથી, તે સુશાસનની વાત છે. અગાઉ બજેટની જાહેરાતોનો પણ જમીન પર અમલ થઈ શક્યો ન હતો. તેઓ જાહેરાતો કરીને હેડલાઇન્સ બનાવતા હતા પરંતુ કોઇ કામ થયું ન હતું. અગાઉની સરકારોએ યોજનાઓને સમયસર પૂર્ણ કરવા પર કોઈ ભાર મૂક્યો ન હતો. અમે દસ વર્ષમાં આ પરિસ્થિતિ બદલી છે.