દક્ષિણ કોરિયાના રક્ષા મંત્રીએ કેમ કરી આત્મહત્યાની કોશિશ?

South Korea: દક્ષિણ કોરિયાના પૂર્વ સંરક્ષણ પ્રધાન કિમ યોંગ હ્યુન્ડાઈએ આત્મહત્યા કરવાનો પ્રયાસ કર્યો છે. દક્ષિણ કોરિયામાં લશ્કરી કાયદો લાદવાના નિષ્ફળ પ્રયાસમાં તેની ભૂમિકા બદલ તાજેતરમાં તેની ધરપકડ કરવામાં આવી હતી. કોરિયા કરેક્શનલ સર્વિસના કમિશનર જનરલ શિન યોંગ હયેએ જણાવ્યું હતું કે કિમે સિયોલ જેલમાં આત્મહત્યા કરવાનો પ્રયાસ કર્યો હતો. પરંતુ તેમનો પ્રયાસ નિષ્ફળ ગયો હતો. તેમણે એમ પણ કહ્યું હતું કે ભૂતપૂર્વ પ્રધાનની હાલત હવે સ્થિર છે.

ગયા અઠવાડિયે દક્ષિણ કોરિયામાં રાષ્ટ્રપતિ યુન સુક યેઓલ દ્વારા માર્શલ લૉ લાગુ કરવામાં આવ્યો હતો. થોડા કલાકો બાદ સાંસદોએ સંસદમાં મતદાન કરીને તેમને હટાવી દીધા હતા. આ સામે અટકાયત થનાર કિમ પ્રથમ વ્યક્તિ છે. તેમના પર પૂર્વ એશિયાઈ દેશને આમ કરીને રાજકીય સંકટમાં મુકવાનો આરોપ છે. કિમે કથિત રીતે રાષ્ટ્રપતિને માર્શલ લૉ જાહેર કરવાની સલાહ આપી હતી અને તરત જ સંરક્ષણ પ્રધાન પદ પરથી રાજીનામું આપ્યું હતું.

ટીકાઓથી પરેશાન હતા!
કેટલાક લોકો ભૂતપૂર્વ સંરક્ષણ પ્રધાન કિમ યોંગ-હ્યુનના આત્મહત્યાના પ્રયાસને તણાવનું કારણ માની રહ્યા છે. કારણ કે માર્શલ લોની દેશભરમાં ટીકા થઈ રહી છે અને તેની સાથે જોડાયેલા નેતાઓને લોકોના રોષનો સામનો કરવો પડી રહ્યો છે. બળવામાં મહત્વની ભૂમિકા ભજવવા અને સત્તાનો દુરુપયોગ કરવાના આરોપસર કિમને સિઓલની અદાલતે તેમની ધરપકડ માટે વોરંટ જારી કર્યું હતું.

આ પણ વાંચો: અખિલેશ સિંહ પાસે જે ડિગ્રી છે તે બોગસ છે, કાપોદ્રા પોલીસે વધુ એક નકલી ડોક્ટરની કરી ધરપકડ

માર્શલ લો એ કામચલાઉ કટોકટીનું એક સ્વરૂપ છે. તેને લાગુ કરતી વખતે દક્ષિણ કોરિયાના રાષ્ટ્રપતિએ દલીલ કરી હતી કે તે દેશ વિરોધી શક્તિઓ સામે જરૂરી છે. જો કે, આ જાહેરાતના કલાકોમાં લોકોએ વિરોધ કરવાનું શરૂ કર્યું અને નેશનલ એસેમ્બલીના 190 સભ્યોએ તેની વિરૂદ્ધ મતદાન કર્યું. દેશના વિવિધ ભાગોમાં વિરોધ પ્રદર્શનો થયા. સંસદની સામે આ કાયદાનો ભારે વિરોધ થયો અને તેને પાછો ખેંચવો પડ્યો.