પશુપતિ પારસે ‘INDIA’ જવાની અટકળો પર મૂક્યું પૂર્ણવિરામ, PM મોદી તસવીર કરી પોસ્ટ

Lok Sabha Election 2024: બિહારમાં એનડીએની બેઠકોની વહેંચણીમાં આરએલજેપીના વડા પશુપતિ પારસ ખાલી હાથે રહ્યા હતા. તેમને ગઠબંધનમાં એક પણ બેઠક મળી નથી. એવું કહેવામાં આવી રહ્યું હતું કે પશુપતિ પારસ હવે તેવર બતાવી શકે છે અને તેઓ ઈન્ડિયા બ્લોકમાં જઈ શકે છે, પરંતુ હવે પશુપતિ પારસે સ્પષ્ટપણે કહ્યું છે કે તેઓ એનડીએ સાથે જ રહેશે. સોશિયલ મીડિયા પ્લેટફોર્મ X પર પોસ્ટ શેર કરતા તેણે લખ્યું કે અમારી પાર્ટી RLJP NDAનો અભિન્ન ભાગ છે. વડા પ્રધાન નરેન્દ્ર મોદી પણ અમારા નેતા છે અને તેમના નિર્ણય અમારા માટે સર્વોપરી છે.

हमारी पार्टी रालोजपा, एनडीए का अभिन्न अंग है!
माननीय प्रधानमंत्री आदरणीय श्री @narendramodi जी हमारे भी नेता है और उनका निर्णय हमारे लिए सर्वोपरि है एवं उनके नेतृत्व में एनडीए पूरे देश में 400+ सीट जीतकर तीसरी बार रिकॉर्ड तोड़ बहुमत से #NDA की सरकार बनेगी..@AmitShah @JPNadda pic.twitter.com/FqyjNzxFbi

— Pashupati Kumar Paras (मोदी का परिवार) (@PashupatiParas) March 30, 2024

નોંધનીય છે કે, એનડીએમાં એક પણ સીટ ન મળતાં પશુપતિ પારસે કેન્દ્રીય મંત્રી પદ પરથી રાજીનામું આપી દીધું હતું.તેણે કહ્યું, ‘મારી સાથે અને મારી પાર્ટી સાથે અન્યાય થયો. અમને એક પણ સીટ આપવામાં આવી નથી.’ રાજીનામું આપતા પહેલા પશુપતિ પારસ મોદી સરકારમાં ફૂડ એન્ડ પ્રોસેસિંગ મંત્રી હતા. પશુપતિ પારસ સીટ શેરિંગમાં ચિરાગ પાસવાનની એલજેપીઆરને 5 લોકસભા સીટો મળવાથી નારાજ હતા. તેમની સૌથી મોટી નારાજગી એ હતી કે તેમની પાર્ટીને એક પણ સીટ આપવામાં આવી નથી. બીજી બાજુ સીટ વહેંચણીની જાહેરાત પહેલા તેમની સાથે વાત પણ કરવામાં આવી ન હતી. લાંબા સમયથી નારાજગી બાદ આખરે પશુપતિ પારસે પોતાનું મૌન તોડ્યું છે. તેમણે કહ્યું કે અમારી પાર્ટી આરએલજેપી એનડીએનો અભિન્ન ભાગ છે. પીએમ મોદી અમારા નેતા છે. તેમના નેતૃત્વ હેઠળ, NDA સમગ્ર દેશમાં 400+ બેઠકો જીતશે અને ત્રીજી વખત, NDA રેકોર્ડ બ્રેક બહુમતી સાથે સરકાર બનાવશે.

બિહારમાં NDAમાં સીટ વહેંચણીની ફોર્મ્યુલા શું છે?
બિહારમાં નેશનલ ડેમોક્રેટિક એલાયન્સ (NDA)માં સીટની વહેંચણીનું ચિત્ર સ્પષ્ટ છે. બીજેપી બિહારમાં 17 સીટો પર ચૂંટણી લડી રહી છે. જેડીયુના ખાતામાં 16 બેઠકો આવી છે. અન્ય સહયોગીઓની વાત કરીએ તો ચિરાગ પાસવાનની લોક જનશક્તિ પાર્ટી (રામ વિલાસ)ને 5 સીટ, જીતન રામ માંઝીની પાર્ટી HAMને 1 સીટ અને ઉપેન્દ્ર કુશવાહાની પાર્ટી રાષ્ટ્રીય લોક જનતા દળને પણ એક સીટ મળી છે, પરંતુ આમાં પશુપતિ પારસની આરએલજેપીને એક પણ સીટ આપવામાં આવી નથી.

INDIA બ્લોકમાં જવાની અટકળો હતી
મળતી માહિતી મુજબ પશુપતિ પારસે એનડીએ ગઠબંધનમાં કેટલીક સીટો મેળવવા માટે ઘણા પ્રયત્નો કર્યા હતા. આ માટે તેણે ધમકીભર્યા અંદાજમાં કહ્યું હતું કે જો અમને યોગ્ય સન્માન નહીં આપવામાં આવે તો અમારી પાર્ટી સ્વતંત્ર છે અને અમારા દરવાજા ખુલ્લા છે. અમે ગમે ત્યાં જવા માટે તૈયાર થઈશું. એવું કહેવામાં આવી રહ્યું હતું કે સીટ વહેંચણીના નિર્ણય બાદ પશુપતિ પારસ પણ ઈન્ડિયા બ્લોક સાથે જવાની શક્યતા પર વિચાર કરી રહ્યા છે.