BZ ફાયસાન્સ ગ્રુપનો મામલો, હિંમતનગરમાં અક્ષર લેબોરેટરીનો માલિક નીકળ્યો એજન્ટ ધવલ પટેલ

સાબરકાંઠા : BZ ફાયસાન્સ ગ્રુપનો મામલે રોજ નવા ખુલાસા થતા રહે છે. ત્યારે હવે એજન્ટ ધવલ પટેલને લઈ મોટા સમાચાર સામે આવ્યા છે. ધવલ પટેલની હિંમતનગરમાં લેબ ચાલી રહી છે. આ સિવાય અક્ષર લેબોરેટરીનો માલિક ધવલ પટેલ છે. વધુમાં ધવલ પટેલ ઓસ્ટ્રેલિયાના પી.આર વિઝા પણ ધરાવે છે.

મળતી માહિતી અનુસાર ધવલ પટેલ ગુજરાતના ડોક્ટરોનું BZમાં રોકાણ કરાવતો હતો. તેણે અંદાજે 200 થી 250 કરોડનું રોકાણ કરાવ્યું છે. ઘવલ પટેલ હિંમત નગરમાં અક્ષર લેબોરેટરીનો માલિક છે. ત્યારે હવે ધવલ પટેલના ઘરે તાળા વાગી ગયા છે. છેલ્લા ચાર દિવસથી બંગલો બંધ હાલતમાં જોવા મળી રહ્યો છે. વધુમાં ધવલ પટેલનો પરિવાર ઓસ્ટ્રેલિયામાં સ્થાયી છે. પરિવાર સ્થાયી હોવાને લઈ વિદેશ ફરાર થયાની આશંકા લાગી રહી છે.

ઉલ્લેખનીય છે કે, ગઈકાલે આ મામલે BZ ગ્રુપ મામલે CID ક્રાઈમ SP મુકેશ પટેલે પ્રેસ કોન્ફરન્સ કરી હતી. મુકેશ પટેલે જાણકારી આપતા જણાવ્યું કે Bz ગ્રૂપ સામે ગુનો દાખલ કરવામાં આવ્યો છે. સમગ્ર મામલે 7 આરોપી ધરપકડ કરાઈ છે.

આ પણ વાંચો: ‘અત્યાચાર બંધ થવો જોઈએ, ચિન્મય દાસને મુક્ત કરવો જોઈએ’, બાંગ્લાદેશમાં હિન્દુઓના મુદ્દે RSSનું મોટું નિવેદન