અલીગઢમાં યમુના એક્સપ્રેસવે પર ભયાનક માર્ગ અકસ્માત, 5 લોકોના મોત 15 ઈજાગ્રસ્ત
Uttarpradesh: ઉત્તર પ્રદેશના અલીગઢમાં એક ભયાનક માર્ગ અકસ્માત સર્જાયો છે. યમુના એક્સપ્રેસ વે પર બસે એક ટ્રકને જોરથી ટક્કર મારી હતી. આ અકસ્માતમાં બસમાં સવાર 5 મુસાફરોના કરૂણ મોત નિપજ્યા છે, જ્યારે 15થી વધુ લોકો ઘાયલ હોવાનું કહેવાય છે. માહિતી મળતા પોલીસ ઘટના સ્થળે પહોંચી હતી. પોલીસે ઘાયલોને બસમાંથી બહાર કાઢીને સ્થાનિક હોસ્પિટલમાં દાખલ કર્યા હતા.
આ પણ વાંચો: ફટાકડાનું ઓનલાઈન વેચાણ તાત્કાલિક બંધ કરવા સૂચના, Delhiમાં ખતરનાક વાયુ પ્રદુષણ
આ અકસ્માત મોડી રાત્રે થયો હતો. અયોધ્યાની કૃષ્ણા ટ્રાવેલ્સની હોવાનું કહેવાય છે, દિલ્હીથી મૌ જતી એક ડબલ ડેકર ખાનગી બસ, અલીગઢ નજીક યમુના એક્સપ્રેસ વે નંબર 56 પર બિયરની બોટલોથી ભરેલી એક ભંગારની ટ્રક સાથે પાછળથી અથડાઈ હતી. અકસ્માત એટલો ગંભીર હતો કે બસના ટુકડા થઈ ગયા હતા. આ અકસ્માતમાં મૃત્યુ પામેલા પાંચ લોકોમાં એક પાંચ મહિનાનું બાળક, એક મહિલા અને ત્રણ પુરુષોનો સમાવેશ થાય છે. મૃતકોમાંથી ત્રણની ઓળખ થઈ ગઈ છે, જ્યારે બેની ઓળખ હજુ થઈ નથી. અકસ્માત બાદ બસમાં મુસાફરી કરી રહેલા લોકો બારીના કાચ તોડીને બહાર આવી ગયા હતા.
